il professore Spatachiaro

I muloni moderni ganno un luks che par strano a i veciazi. Particularmente quei bragonzi co el cavaloto basso che par che i ze la gabia fazudo soto. Va ben ma l'altro zorno i ga vedusto par istrà el prof Spatachiaro de settanta ani zirca co indosso un per de braghe blu de vinti ani fa almeno anca lu co el caval basso che pareva che el ze la gavessi fata soto. Corzi e ricorzi vichiani gavessi dito el professore.

gioventù comunista

De jovine Pepi Zet iera comunista. Nela sezion Pratone del rion Univerzità el più gasà iera el caro compagno Pallanza. La gaveva ssai su co i borghesi. Fassisti borghesi anora pochi mezi el zigava. Po Zet lo ga perzo de vista. Ciò un mucio de ani dopo no lo vedi in televizion che el tenta de tirarghe scapaloti a un sior mussulman. Bon el iera diventà professoron de la univerzità americana de Cann Bicc e el parlava che el pareva nassudo in America. El ze diventà berlusconian convinto ansi gasà. Zet ga el dubio che sto Pallanza sia nato gasà e tal qual restado anca dopo vecio, vuolzi old.